Amnistía Internacional quixo dedicar el so nuevu mural en Xixón a les muyeres d’Afganistán. Ye un mural comunitariu nel que vecinos y voluntarios van poder participar güei.
Que nin Asturies nin la Xunión Europea les escaeza ye l’oxetivu del nuevu mural d’Amnistía Internacional. Un mural que busca visibilizar a les muyeres afganes y la so situación y revindicar los sos derechos.
Pa eso l’artista Saia Galán creó una obra inspirada nes de la grafitera afgana Shamsia Hassani. Un mural collaborativu pa que los vecinos lu sientan como propiu.
Avérense los 5 años de la toma de Kabul polos talibanes. Dende entós los derechos de les muyeres nun fixeron más que retayase, según un nuevu informe de la UNESCO sobre una situación que la ONU califica d’apartheid de xéneru.
