L’hotel del grupu ástur-mexicanu Nature en Cofiñu (Parres) entra en «Forbes» y proxecta Asturies «como un destín de luxu internacional». La selección de Puebloastur pola célebre publicación turística destaca «l’autenticidá, la naturaleza y la cultura del pueblu». LNE
Puebloastur, hotel de luxu allugáu en Cofiñu (Parres) y propiedá del grupu ástur-mexicanu Nature, convirtióse nel primer establecimientu asturianu escoyíu por «Forbes Travel Guide», una de les guíes de referencia más prestixoses del mundu en turismu de luxu. La reconocencia, na categoría «Curated», non solo premia al hotel, sinón que «proxecta a Asturies como un destín de luxu internacional basáu na autenticidá, la naturaleza y la cultura del pueblu».
