Publicado en Deportes

La Selección Femenina de Baloncestu va tornar al Palaciu de los Deportes

La Selección Femenina va tornar al Palaciu de los Deportes el 11 de payares y les entraes para’l primer partíu de la fase de clasificación yá tán a la vienta. Mi Oviedo /

Uviéu volverá recibir a la Selección Española Femenina de baloncestu. El Palaciu de los Deportes va ser l’escenariu del primer partíu d’España na fase de clasificación para’l EuroBasket 2027, con República Checa como rival el próximu 11 de payares.

Les entraes para l’alcuentru yá tán disponibles al traviés de la web oficial de la Federación Española de Baloncestu. La cita va suponer el regresu de la selección femenina a la capital asturiana, onde va empezar el so camín escontra’l próximu campeonatu d’Europa.

El partíu va abrir una ventana internacional qu’España va completar con otros dos alcuentros a casa. L’equipu empobináu por Miguel Méndez va enfrentase a Bulgaria’l 14 de payares y a Croacia el 17 de payares. El regresu de la selección a Uviéu produzse apenes unes selmanes dempués del Mundial d’Alemaña, nel qu’España conquistó la medaya de bronce. Ente les protagonistes del tornéu tuvo l’asturiana Iyana Martín, de 20 años, que terminó’l campeonatu con una destacada actuación nel partíu pol tercer puestu énte Alemaña: 22 puntos, nueve asistencies y 28 de valoración.

Autor:

Maestra de Llingua Asturiana Colexu Carmen Ruiz-Tilve - Uviéu