El branu climatolóxicu arrinca esti 1 de xunu con previsiones de temperatures percima de lo normal, anque los próximos díes van traer una baxada térmica notable en bona parte del país.
Esti 1 de xunu empieza’l branu meteorolóxicu nel hemisferiu norte. Nun ye inda’l branu astronómicu, qu’anguaño va llegar el 21 de xunu, coincidiendo col solsticiu, pero sí marca l’entamu del trimestre que la climatoloxía utiliza para arrexuntar los meses más templaos del añu: xunu, xunetu y agostu. La entrada nesti periodu llega, amás, dempués de dellos díes con temperatures más propies de plenu branu que de finales de mayu.
El branu meteorolóxicu, tamién llamáu branu climatolóxicu, estiéndese dende’l 1 de xunu hasta’l 31 d’agostu. Esta división nun depende de la posición de la Tierra respecto al Sol, sinón de criterios meteorolóxicos y estadísticos. Dexa estudiar con mayor claridá’l comportamientu de les temperatures, les agües y los episodios estremos dientro de periodos fixos.
El branu astronómicu, sicasí, empieza col solsticiu de branu. Nel hemisferiu norte suel producise ente’l 20 y el 21 de xunu, cuando’l Sol algama’l so mayor altor aparente nel cielu y rexístrase el día con más hores de lluz del añu.
Por tanto, anque’l calendariu astronómicu inda caltenga la primavera mientres xunas selmanes, la meteoroloxía yá entró nel so trimestre más templáu.
¿Qué previsiones hai para esti branu? Para los meteorólogos el branu nun empieza’l 21 de xunu, empieza güei, 1 de xunu. Por eso, isabelisamoren aprovechó para danos les claves de lo que nos espera nestos meses 
#AquilaTierra
