El Gobiernu d’Asturies abre al públicu les piscines esteriores de La Morgal, en Llanera, tres invertir más de mediu millón en renovales.La Conseyería de Cultura, Política Llingüística y Deporte reabrió güei les piscines esteriores de La Morgal tres d’una renovación integral na que’l Principáu invirtió más de mediu millón d’euros p’ameyorar l’accesibilidá, la eficiencia y la sostenibilidá d’ún de los equipamientos deportivos más usaos na temporada de veranu.
Les actuaciones, financiaes con fondos europeos del programa NextGenerationEU, van permitir aforrar cerca de 30.000 metros cúbicos d’agua al añu, reforzando’l compromisu del Gobiernu d’Asturies con unes instalaciones públiques más sostenibles y eficientes. L’apertura coincide amás cola puesta en serviciu de les piscines de les Instalaciones Deportives d’El Cristo, n’Uviéu, ampliando la ufierta acuática pa esti branu.
La Morgal (Llanera) y El Cristo (Uviéu)
Hasta’l 15 de setiembre
De 11:30 a 20:00 hores en La Morgal De 11:00 a 20:00 hores n’El Cristo
Tola información en: https://actualidad.asturias.es/-/piscinas-morgal156
