El miruégano

El mirúegano

Un rosariu de miruéganos
pa so nietín trai la güela,
enfilos unu tras d’otru
nuna erba de piñera;
pañólos ente l’argaña
que con duelu marchar dexa;
pos la compaña non solo
fai que’l tilín remaneza.

¡Como hai Dios, pa ente mí escurro!
que pudo mazcalos ella;
poe esi ricu manxar,
¿Qué será, lo que non tenta?
Eso sí, pero ¡ai, amigu!
coses que Dios encimienta;
cuando los mazca’l nietín,
diz que los saborga ella…

………………………………….

Nes monxines del Naranco
(cachín de Cielu, na tierra),
pero sinón lo avocinglo
pa que la xente lo sepia,
afáyase la güelina
un xaspe de llimpia fecha.
Ta cucando pensatible…
– ¿Por qué cuques pa La Cuesta?
– Cuco si haberá miruéganos,
pal mio nietu, por si allega:
Sino, pal Neñu Xesús,
qu’Esi, né, xamás me dexa.

Antonio González Busto