Situación INFOPA / Rexítrense 14 #IIFF en:
- 6 Activos: #CangasdelNarcea, #Ponga, #Piloña, #Caso, #Cabrales y #Quirós.
- 7 Controlaos: #2CangasdelNarcea, #2Coaña, #1Castrillón, #1Onís y #1Onís.
- 1 Estabilizáu: #VillanuevadeOscos.
Midíes de prevención énte’l riesgu de quemes forestales n’Asturies. 
El Principáu encamienta a la ciudadanía a evitar actividaes recreatives y deportives nos Picos d’Europa y el cordal Cantábricu como midida de precuru. Suspéndense hasta’l llunes seis rutes de tresporte públicu venceyaes a les reserves de la biosfera. El funicular de Bulnes va funcionar namá pa residentes y persones agospiaes na localidá.
L’alministración autonómica, al traviés del Serviciu d’Emerxencies del Principáu d’Asturies (SEPA), fixo públiques los siguientes encamientos empobinaos a la población de les zones afectaes:
- Si’l fueu ye pequenu, atáquelo pola base intentando apagalo con agua o encaloralo cutiendo con cañes d’árbol, o echando tierra de golpe sobro la base de les llapaes.
- Una vegada encaloráu tape los caricotes y llimpie de cañes la so alredor.
- Aliende pela ñariz procurando cubrir con un pañu moyáu la ñariz y la boca.
- Alloñar fuxendo en dirección opuesta al fumu.
- Fuxa de les vaguaes fondes.
- Si repara que camuda la dirección del vientu, estudie de nuevu los llugares pa escapar.
- Si nun momentu atópase arrodiáu poles llapada, asítiese na zona quemada siempres de llombu del vientu reinante y sollerte al 112.
