✈️🛬Nel mes de xunu un total de 215.742 viaxeros pasaron pola terminal de Santiago del Monte, un datu que supon la cifra mensual más alta de tola hestoria del aeropuertu, percima de periodos tradicionalmente más intensos como los meses de xunetu y agostu.
🛩️Los datos publicaos güei por Aena confirmen l’enclín a l’alza na actividá del aeropuertu asturianu que rexistró un 12,4 per cientu más de viaxeros que nel mesmu mes del añu pasáu y nel primer semestre del añu suma un acumuláu de 1.037.453 viaxeros (8,6 per cientu más qu’en 2025).
🔹Les cifres confirmen les bones resultancies de la Estratexa de Conectividad Aérea que’l Gobiernu d’Asturies ta esplegando y que nes últimes selmanes avanzaron la llegada d’una nueva aerollínea, la novena, a partir d’ochobre a la terminal asturiana. Wizz Air va operar rutes a Londres, Madrid y Valencia a partir de la seronda.
