Publicado en Samaín

La urbanización del terror ta n’Asturies

La urbanización del terror ta n’Asturies: la localidá que decora toles sos cases de Halloween y qu’ufierta percorríos de mieu poles sos viviendes encantaes. La fiesta va tener llugar mientres la ponte de Tolos Santos. LNE

Ye la urbanización del terror y ta n’Asturies. La Fresneda, en Siero, supérase cada añu más por Halloween col so yá tradicional concursu de cases encantaes, que consiste en decorar les viviendes pa que metan, lliteralmente, mieu.

A les cadarmes, les tumbes, les teles d’araña y les calabaces xune l’inxeniu de los sos propietarios, qu’inclusive abren les puertes de les sos cases al públicu pa vivir una especie d’escape room terrorífico. Nel so interior hai bruxes, bruxos, zombis o payasos como si se tratara d’una auténtica película de mieu.

La festividá de Halloween cada vez tien más presencia n’Asturies y en toa España. Toos, hasta los comerciantes, paecen cayer rindíos a la fiesta de los muertos. Les actividaes infantiles alredor de Halloween y el Samaín multiplíquense por tola rexón, onde tamién hai güecu pa cites gastronómiques.

En La Fresneda, Halloween yá ye como la fiesta de les Piragües en Les Arriondes. Asegúrenlu los sos propios vecinos, que s’entornen con una fiesta qu’entama l’Asociación de Vecinos de la urbanización. Pero’l Halloween de La Fresneda yá ye un eventu que tesciende les fronteres del conceyu y atrai a families de tola rexón. Los neños son el públicu protagonista, pero tamién los padres pásenlu en grande.

Autor:

Maestra de Llingua Asturiana Colexu Carmen Ruiz-Tilve - Uviéu