El Bioparc Acuariu de Xixón celebra’l so 20 aniversariu con puertes abiertes el 29 de xunu. El Bioparc Acuariu de Xixón cumple 20 años y celébralo abriendo les sos puertes. El próximu llunes 29 de xunu, coincidiendo cola festividá de San Pedro, l’acuariu entama una xornada especial col formatu «dona lo que quieras»: accesu llibre a les instalaciones y pagu a la salida, ensin mínimu establecíu. Cada visitante decide lo qu’apurre. L’horariu de visita va ser de 10:30 a 19:30 h. https://x.com/acuariodegijon
Ye una forma guapa de cumpleaños: en llugar de xubir el preciu d’entrada, baxalo a cero y confiar nel públicu. Y con una causa directa: tola recaldación va a la Fundación BIOPARC para proyectos de caltenimientu. LNE /
Más de 480 especies para afayar. Mientres la xornada vas poder percorrer toles instalaciones del acuariu, qu’alluguen más de 60 acuarios y 20 terrarios con barganal de 480 especies procedentes de distintos ecosistemes del planeta. Dende los percorríos temáticos habituales hasta les últimes incorporaciones, como la esposición permanente «Microclimes», desenvuelta precisamente por cuenta de esti 20 aniversariu.
La to entrada contribúi al caltenimientu Lo qu’apurras esi día nun va a taquilla: la totalidá de la recaldación destinar a la Fundación BIOPARC, que trabaya en proyectos de caltenimientu d’especies amenaciaes, protección d’ecosistemes y educación ambiental n’España y n’otros puntos del mundu.
Una forma de qu’una visita al acuariu sía tamién un xestu directu a favor de la biodiversidá y los océanos.
Una cita para’l 29 de xunu en Xixón. Si’l 29 de xunu tienes el día llibre per San Pedro y busques un plan distintu para tola familia, el Bioparc Acuariu de Xixón ye la to opción. Venti años mirando al mar merecen una visita. ¿Te pases a celebralo?
Cuándo: llunes 29 de xunu de 2026
Horariu: de 10:30 a 19:30 h
Preciu: dona lo que quieras (pagu a la salida, ensin mínimu)
Ónde: Bioparc Acuariu de Xixón.
La totalidá de la recaldación va dir destinada a la Fundación Bioparc, qu’impulsa proyectos de caltenimientu d’especies amenaciaes, protección d’ecosistemes y educación ambiental.
Quiciabes motivaos por esti lloable fin, los visitantes van esfrutar del percorríu completu, con más de 60 acuarios y 20 terrarios qu’alluguen barganal de 480 especies procedentes de distintos ecosistemes del planeta, amás de les últimes novedaes incorporaes anguaño, como la esposición permanente ‘microclimes’.
Con esta iniciativa, el Bioparc Acuariu de Xixón pretende celebrar al pie de los ciudadanos los sos venti años de trayectoria y «reforzar el so compromisu col caltenimientu y la protección de la biodiversidá».
