Publicado en Uviéu2031

La Vega, n’Uviéu, busca inspiración n’Europa

La Vega busca inspiración n’Europa pa convertise nun espaciu cultural.

Espertos analicen n’Uviéu esperiencies de recuperación del patrimoniu industrial.

L’antigua Fábrica d’Armes de La Vega analiza güei esperiencies na tresformación del patrimoniu industrial européu en nuevos espacios culturales.  Una puesta de mancomún d’idees sol nome ‘Periscopiu Uviéu 2026’, que va sirvir pa l’activación del complexu industrial uvieín como espaciu pa la Candidatura a Ciudá Europea de la Cultura nel 2031.

En Barcelona dellos edificios de l’antigua industria testil son agora destacaos centros culturales, destaca Eva Soria, directora de Sectores Culturales del Institut de Cultura de Barcelona

Una mina d’Alemaña, qu’agora ye un centru de creación, una antigua cochera checa o l’antigua térmica de Ponferrada tresformáronse con ésitu, cúntennos Conchi Fernández, directora de Museos y Patrimoniu de Ponferrada y Luka Piskoric, espertu en centros culturales y creativos.

Cuatro de les naves de La Vega sedríen escenarios pa la candidatura a Uviéu como Capital Europea de la Cultura nel 2031. El so allugamientu en plenu centru de la ciudá ye ún de los sos principales encantos.

Los espertos consideren que, pol so tamañu, el so estáu de caltenimientu y el so potencial, el complexu tien posibilidaes de convertise nun referente pa la ciudá.

Dientro de dos selmanes espertos van visitar l’antigua Fábrica d’Armes de La Vega y va ser el próximu día 3 d’avientu cuando se va decidir cuála va ser la candidatura ganadora.

Autor:

Maestra de Llingua Asturiana Colexu Carmen Ruiz-Tilve - Uviéu