La cita, tuvo marcada pola falta de ganáu vacuno y la gran actividá de compraventa.
Oveyes, cabres y caballos ocupen el recintu ferial de Llanera na Feria de San Isidro, marcada pola falta de ganáu vacuno. Sicasí, ta habiendo una gran actividá de compraventa.
L’actu más destacáu foi’l tradicional desfile ganaderu peles cais de Posada, nel que participaron unos 300 ganaderos xunto a cerca de 900 animales. Una de les novedaes fueron les oques veníes dende Palencia.
Pero los más aplaudíos fueron los “pequemanexadores” que teníen mui claro lo que teníen que facer.
Pequeños apasionaos polos animales qu’esfrutaron guiando a les cabres.
Mañana siguirá la compraventa d’animales nel recintu ferial de Llanera, onde esti añu los caballos tán siendo los protagonistes.
