Publicado en Alimentos, Pesca

El salmón, especie en víes d’estinción en toa España

El comité asesor del Ministeriu propón catalogar al salmón especie en víes d’estinción en toa España. Trátase de la midida más proteccionista, la que reclamaben científicos y ecoloxistes, y a la que s’oponía’l Principáu, que defende una protección non estatal, sinón autonómica. Nortes.me / LNE

 

La inclusión nel Catálogu Español d’Especies Amenaciaes del salmón, que la so área de distribución n’España llindase a Galicia, Asturies, Cantabria, País Vascu y Navarra, supondría la prohibición de la so pesca, según la obligación de tomar midíes para’l caltenimientu de la especie y el so hábitat. Tratar de la midida más proteccionista, la que reclamaben científicos y ecoloxistes, y a la que s’oponía’l Principáu, que defende una protección non estatal, sinón autonómica.

A xuiciu de la organización, la especie tien de ser incluyida nel catálogu porque axunta, siquier, dos de les condiciones necesaries señalaes para ello nel real decretu que desenvuelve’l Llistáu d’Especies Monteses en Réxime de Protección Especial (LESPRE) y del Catálogu Español d’Especies Amenaciaes, y que ponen de manifiestu l’estáu desfavorable de la especie.

Estos dos condiciones son que nos postreros 30 años la especie sumió del 50 % (la metá) de los ríos nos que taba presente y que en trés xeneraciones les poblaciones de salmón cayeron un 70 % n’España.

«Nun hai nada yá que torgue la protección nin el fin de la muerte», sostienen los conservacionistas qu’impulsaron la veda.

Sí a la catalogación del salmón atlánticu (Salmu salar) como especie en peligru d’estinción n’España. El Comité Científicu qu’asesora al Comité de Fauna y Flora, organismu qu’axunta a Executivu central y autonomíes en materia de caltenimientu d’especies monteses, dictaminó a favor d’ello. Esto supondría la prohibición de la so pesca, según la obligación de tomar midíes para’l caltenimientu de la especie y el so hábitat.

N’Asturies, una de les cinco comunidaes na que s’alcuentra n’España’l salmón atlánticu –al pie de Galicia, Cantabria, País Vascu y Navarra– la Conseyería de Mediu Rural yá avanzó’l pasáu xunetu la so idea de vedar temporalmente la pesca pa la próxima temporada daos les males resultancies de la campaña d’anguaño: tan solo 108 exemplares prindaos.

Autor:

Maestra de Llingua Asturiana Colexu Carmen Ruiz-Tilve - Uviéu