- Alborecemos col cielu nuboso ya con unes temperatures que tan alrodiu de los 17ºC, rexistrándose nel puirtu Payares 12,4ºC.
- Güei vamos tener un día seliquín con apertura de claros o abancios durante la mañana y aumentu de la nubosidá pela tarde que pue dexanos dalguna gotera ocasional ya dispersa al atapecer con unes temperatures n’ascensu ya col aire que sedrá sele ya variable.
- Mañana martes tendremos el cielu nuboso pela mañana, aumentando a mui nuboso pela tarde con precipitaciones moderaes al atapecer que vendrán de la mano d’un frente fríu que mos dexará un descensu de les temperatures al finar el día.
- El miércoles la entrada de vientu del norte-noroeste va apurrinos xarabatos de calter moderáu, sobre too pela tarde-nueche, amás d’un descensu bultable de les temperatures y raches moderaes d’aire en puntos de la costa y zones de montaña.
- El xueves pela mañana seguiremos con xarabatos pero con tendencia a dir espaciandose nel tiempu y baxando la so intensidá pa remitir pela tarde con unes temperatures que van camudar poco.
- De cara a la fin de selmana paez que meyora ya tendremos nubes ya claros, sin precipitaciones ya con un llixeru ascensu de les temperatures másimes.