acío n´Avilés nel añu 1972. Crióse nel barriu La Marzaniella (Corvera), del que tien mui bonos recuerdos, y tamién sobremanera de los díes que pasaba´n Cardo (Gozón) onde vivíen los sos güelos maternos. La su familia paterna vieno de la sierra Béjar a trabayar a Ensidesa. Dende güaje quiso estudiar Periodismu pero en llegando a la Complutense de Madrid pa facelo, afayó otra vocación mas fonda: el teatru. Y paez que pa xuntales a les dos llegó la narración de cuentos, porque asina cuenta histories comu faen los periodistes, ya interpreta comu faen los actores. Lo demás, lo que correspuende a la vida pública y profesional, podeis topalu «per interné».
Un llugar pa perdese una fin de selmana:
Los Oscos.
Un llugar pa vivir:
Candás, sicasí toi percontentu’n Santolaya de Nembro.
Un platu:
Pa comer en chigre un cachopín con una botelluca sidra. Pa’n casa cualaquier combinación d’arroz, llegume y verdura.
Un postre:
Arroz con lleche.
Una playa pa pasar el día:
Verdicio, Rodiles… sobremanera si tan los chiringos abiertos.
Un pueblín que nun podemos dexar de ver:
Cenera.
Un chigre pa tomar unos culinos:
Casa Paquín o Casa Manuela en Perdones (Gozón).
Un parque natural pa visitar:
Moniellos.
Una fiesta a la que nun faltar:
L’Antroxu d’Avilés.
Un muséu pa recomendar:
El de Bellas Artes d’Uviéu.
Un momentu de la hestoria d’Asturies que te prestaría vivir:
La revolución del 34.
Un baille pa pasalo bien:
La salsa… nuna fiesta de prao na que la música nun atruene demasiao.
Una pallabra n’asturianu que te preste:
Asgaya.
Una tradición que nun pue perdese:
Cuntar cuentos (n’asturiano sobremanera).
Una espresión n’asturianu que te preste:
Ronca’l mangu.