El fotógrafu @angeliyo_o rexistró un lince o llobu cerval ibéricu de pelame inusualmente claru, leucísticu, en Jaen 🤍 Entá s’investiga l’orixe de la so coloración, que podría debese a una alteración xenética o ambiental. Un fechu escepcional para la especie, podría corresponder al únicu casu conocíu nel mundu. Lince ibéricu / 20 minutos / https://www.instagram.com/angeliyo_o/
La pantasma blanca del monte mediterráneu.
La hestoria qu’hai detrás d’esti alcuentru.
Nun llugar nuevu onde empecé a rastrexar va pocos meses, revisando una de los mios cámares de fototrampeo reparé daqué que nun podía creer…
A partir d’ende empecé a dedica-y tol tiempu que disponía, tenía que ver esta maravía polos mios propios güeyos.
Foi pasando’l tiempu, hores, díes, selmanes ya inclusive meses ensin ésitu, inclusive en munches ocasiones a puntu de tirar la toballa…
Una mala mañana dempués de llover mientres la nueche, amaneciendo taba caminando como tantes vegaes fixera; cuando de secute de llueñe veo un bultu blancu que paecía irradiar lluz propio.
Al reparar per primer vegada un Llobu cerval Ibéricu blancu “cola so pelame d’iviernu blancu como la nieve y esos güeyos caltriantes, quedé paralizáu, nun podía creer lo que taba viendo.
Sentíme bien afortunáu de guardar esti momentu, de poder ver a esti gran llobu cerval nel so hábitat natural.
L’alcuentru con esti felín foi una alcordanza inolvidable para la mio, y fíxome pensar la importancia de la naturaleza y del caltenimientu…
Oxalá esta llarga hestoria sirva para inspirar dalgunos a apreciar y protexer la guapura natural del mundu que nos arrodia.
