Más esplotaciones ganaderas y menos de lleche n’Asturies

Medra daqué’l númberu de ganaderíes de bovino n’Asturies. Según datos del Ministeriu de Ganadería, el Principáu zarró l’añu pasáu con dalgo más de 13.500 esplotaciones, 27 más que l’añu anterior.

Tamién medraron les cabeces de ganáu. Hasta superar les 337.000. Son cuasi 1.400 más, rompiéndose asina la tendencia a la baxa que se caltenía dende 2021.

Lo que nun camuda ye la mengua nel númberu d’esplotaciones de lleche. De media, piérdense siete cada mes. En tol añu pasáu, zarráronse 85 ganaderíes de lleche, hasta quedar con daqué más de 1.000. Y esa cayida, tien una esplicación.

La Conseyería de Mediu Rural y Aseava, l’Asociación de Criadores d’Asturiana de los Valles, coinciden en que’l bon momentu pel que pasa’l preciu de la carne de xatu ta llevando a que los ganaderos pongan más nodrices y medren les cabeces.

Ye una de les razones poles que los ganaderos enfocaos a la lleche pasen a la carne y inxerten más animales, y los que queden cola leche, medren.

Hai más ganáu y tamién della medría de les esplotaciones. La Conseyería destaca l’inxerimientu d’emprendedores al sector, tanto muyeres como mocedá y mayores de 45.

Y pon en valir estos datos nun contestu sanitariu complicáu nel qu’hubo que lluchar, con midíes, escontra l’avance de la tuberculosis bovina.