Premiu Princesa d’Asturies
de Comunicación y Humanidaes 2026.
Enllaz FPA / Trayectoria / Wiki / web / pelis / Youtube / Noticia / LNE /
#StudioGhibli #PremioPrincesaDeAsturias
#Animación #CineDeAnimación
#CineJaponés #Cultura #Arte
Referencia internacional na animación, les películes del Studio Ghibli fueron destacaes poles sos hestories llenes de sensibilidá, fantasía y mensaxes ecolóxicos.
Según los especialistes, la so influencia tescendió xeneraciones y fronteres, creando una ponte cultural que xune a persones de distintos oríxenes y tresmitiendo valores atemporales como l’amistá, la empatía y el respetu.
Les sos producciones caracterícense pola so gran creatividá, la so animación artesanal y pola esploración de temátiques, como l’amor pola naturaleza, la tolerancia y el respetu polos seres humanos, especialmente polos vieyos.
El cine de Studio Ghibli atopa guapura no cotidiano y fai de los momentos d’aselu y contemplación una pieza fundamental de les sos hestories.
Otra particularidá de les sos obres ye la fuerza y la determinación de les sos protagonistes femenines, destacaes pola so valentía, complexidá y capacidá de tresformamientu.
El premiu a Studio Ghibli resumíu en cinco puntos. La fotógrafa Cristina De Middel (@lademiddel), miembru del xuráu que concedió’l premiu, danos cinco claves para entender delles singularidaes d’esti galardón: el mesmu estudiu, el so universu creativu, los valores que tresmiten les sos hestories, una de les sos películes más representatives y la reconocencia que supon el Premiu Princesa d’Asturies de Comunicación y Humanidaes.
Studio Ghibli ye unu de los estudios d’animación más icónicos del mundu. Fundáu en 1985 por Hayao Miyazaki, Isao Takahata —creador de les populares series Heidi (1974) y Marcu (1976)— y Toshio Suzuki, l’estudiu creó dalgunes de les películes animaes más reconocíes pola crítica y el públicu.
Los oríxenes de Studio Ghibli remóntense a la collaboración entre Miyazaki y Takahata na película Kaze non Tani non Naushika (Nausicaä del Valle del Vientu), basada n’un manga de Miyazaki. L’ésitu d’esta película llevó a la fundación del estudiu col sofitu del productor Toshio Suzuki.
El so estilu tradicional, con dibuxos fechos a mano, pintures acríliques y acuareles, foi una de les sos marques distintives y contribuyó a la universalidá de les sos hestories. Títulos destacaos del estudiu son Tenkū non Shiro Laputa (El castiellu nel cielu, 1986), Tonari non Totoro (El mio vecín Totoro, 1988), Mayo non Takkyūbin (Nicky, l’aprendiz de bruxa, 1989) o Porco Rosso (1992).
En 1997, l’estudiu llogró la reconocencia internacional con Mononoke-hime (La princesa Mononoke), primer película d’animación en ganar el Premiu de l’Academia del Cine Xaponés.
Chihiro ye una neña que queda atrapada nun mundu máxicu
y tien d’atopar el valor para salvar a los sos padres y tornar a casa.
En 2002, El viaxe de Chihiro supunxo un puntu d’inflexón y goció d’ésitu tantu nacional como internacional. A día de güei, la película sigue siendo una de les grandes cintes d’animación de la hestoria.
En 2001 vio la lluz la que ye considerada obrar cume del estudiu y de la carrera de Hayao Miyazki: Sen to Chihiro non kamikakushi (El viaxe de Chihiro), na que se describen el viaxe simbólicu d’una neña a un mundu fantásticu y el so tránsitu de la infancia a la edá adulta. Miyazaki esplega nesta cinta un discursu críticu sobro la sociedá xaponesa moderna, qu’afonda nos conflictos xeneracionales, la disolución de la cultura tradicional nuna sociedá globalizada y la destrucción del mediu ambiente. La cinta batió tolos récords de recaldación y ye la película d’animación xaponesa más premiada de la hestoria, incluyendo’l galardón de meyor película nos premios de l’Academia del Cine de Xapón (2001), l’Osu d’Oru nel Festival de Cine de Berlín (2002) y l’Óscar a la meyor película d’animación (2003).
Otros de los celebraos trabayos del estudiu son Howl non Ugoku Shiro (El castiellu ambulante, 2004); Gake non ue non Ponyo (Ponyo nel cantil, 2008), que supunxo’l so regresu a la técnica del dibuxu manual, ensin imaxes xeneraes por ordenador; Karigurashi non Arrietty (Arrietty y el mundu de los diminutos, 2010) y Kaze Tachinu (El vientu llevántase, 2013). Omoide non Mānī (L’alcordanza de Marnie, 2014), dirixida por Hiromasa Yonebayashi, y Āyá to Mayo (Earwig y la bruxa, 2020), de Gorō Miyazaki, son dalgunos de los últimos llargumetraxes del estudiu. En 2023, Miyazaki volvió a la dirección cola película Kimitachi wa Dō Ikiru ka (El mozu y la garza), cola que llogró de nuevu l’aponderamientu de la crítica y que-y reportó al estudiu’l so segundu premiu Óscar.
Nel añu 2024 l’estudiu recibió la Palma d’Oru honorífico nel Festival de Cannes (primer vegada na hestoria del galardón que nun recayía nuna persona).
Studio Ghibli tamién produció curtiumetraxes, anuncios de televisión y videoxuegos.
Amás de les reconocencies recibíes por Studio Ghibli, Hayao Miyazaki recibió, de forma individual, el Llión d’Oru por tola so trayectoria nel Festival Internacional de Cine de Venecia en 2005, el Karl Edward Wagner Award (Reinu Uníu, 2009), l’Óscar honoríficu de l’Academia de les Artes y les Ciencies Cinematográfiques d’Estaos Xuníos en 2014 y el Life Achievement de los World Fantasy Awards (EE. UU., 2019), ente otres reconocencies.
