Publicado en Carreres, HUCA

Uviéu cuerre pola salú

Uviéu cuerre pola salú: 1.800 persones participen na novena Carrera de’HUCA, una fiesta de deporte, solidaridá y vida. Persones de toles edaes compartien una mañana festiva y solidaria na que se recaldaron tonelaes de productos para’l Bancu d’Alimentos: «Hai que promocionar la prevención y los vezos saludables porque son fundamentales», diz la conseyera Concepción Saavedra. LNE /

 

En total hubo 400 corredores na prueba de los diez kilómetros, la más competitiva, y otros 1.400 participantes nel percorríu de trés, pensáu para correr o caminar. Y anguaño, amás, cola salú mental de neños y adolescentes como uno de les grandes exes de la xornada.

El pistoletazu de salida diolu Elisa Seijo Zazo, especialista en Psiquiatría Infantil y de l’Adolescencia. La so presencia encaxaba especialmente col lema d’esta edición, que quixo poner el focu na salú mental mientres la infancia y l’adolescencia.

El material ellaboráu por cuenta de la prueba sorraya que l’actividá física pue ser un espaciu de salú, amistá, aprendizaxe y allegría, siempres que se practique nuna redolada segura y ensin convertir la resultancia n’una fonte de presión.

Autor:

Maestra de Llingua Asturiana Colexu Carmen Ruiz-Tilve - Uviéu