Amigues y amigos, préstanos convidavos a la presentación de «El vistir en Salcéu (1819-1862)», d’Alberto Suárez, el llunes 25 de mayu, a les 19.30 en Los Dolores, Grau.
Alberto Suárez ye’l creador y director del concursu Indumentaria y del Día’l traxe’l país. Como investigador independiente publica «El vistir en Salcéu (1819-1862)»; una obra na que divulga y analiza toles referencies a la ropa de vistir qu’atopó nos protocolos de los escribanos asentaos nesti territoriu del sur del Conceyu de Grau.
Berto rescata de la documentación del sieglu XIX datos inéditos pa conocer la indumentaria tradicional, –como les referencies a la saya de mandil–, y afonda nel conocimientu –incluso gráficu– de texíos d’importación que daquella usaben les asturianes y asturianos, como ye’l casu del monfor.
«El vistir en Salcéu» va tener una edición llimitao y supón la primer publicación d’una serie d’estudios monográficos que ta preparando l’autor sobre’l traxe’l país, resultáu del so trabayu d’investigación de los protocolos notariales asturianos de los sieglos XVIII y XIX.
Esperamos por ti, nun quedes ensin llibru.
Damos les gracies al Ayuntamientu de Grau por ayudar tanto a la cultura asturiana.
@seguidores Ayuntamiento de Grado Cultura Grado
