«La non violencia ye la mayor fuerza
a disposición de la humanidá»
Mahatma Gandhi
Establecíu pola Asamblea Xeneral de les Naciones Xuníes en 2007. La fecha coincide cola nacencia de Mohandas Gandhi, asocedíu en Porbandar, India, el 2 d’ochobre de 1869. La ONU escoyó l’aniversariu de la so nacencia pa promover la prevención de la violencia, el resolvimientu pacíficu de conflictos y l’espardimientu d’una cultura de paz. Wiki
Mahatma Gandhi nació un 2 d’ochobre. Poro, el Día de la Non violencia celébrarse nesa mesma fecha: para recordar el compromisu infrayable de Gandhi cola non violencia, inclusive nes situaciones más difíciles.
Gandhi foi abogáu y dirixente del movimientu independentista indiu. Mientres la so permanencia en Suráfrica desenvolvió formes de resistencia política basaes na desobediencia civil, la movilización colectiva y la negativa a responder con violencia frente a la represión. Más tarde aplicó eses estratexes na llucha contra’l dominiu británicu na India. El so pensamientu articuló conceutos como ahimsa, acomuñáu a la non violencia, y satyagraha, entendíu como l’adhesión activa a la verdá por aciu la resistencia civil.
Estes idees nun implicaben pasividá. Incluyíen protestes, boicóes, fuelgues, marches y disposición a encarar sanciones ensin recurrir a les armes. El movimientu encabezáu por Gandhi tuvo una influencia decisiva nel procesu que remató cola independencia de la India en 1947. La so figura tamién inspiró a dirixentes d’otros países, ente ellos Martin Luther King Jr. y Nelson Mandela, anque cada esperiencia afixo eses estratexes a les sos propies circunstancies históriques. Gandhi foi asesináu en Nueva Delhi el 30 de xineru de 1948.

La escultura «No violencia» (o «El arma anudada»), del artista sueco Karl Fredrik Reutersward, se encuentra en la entrada de la Sede de la ONU en Nueva York