Asturies raspia les 450.000 estancies en mayu y caltien l’enclín de crecedera del turismu rural. L’aumentu de viaxeros de la mesma comunidá, d’un 8,71%, contribúi a estes resultancies pol bon funcionamientu de los bonos de descuentu. Actualidá
Asturies rexistró 449.909 estancies turístiques en mayu y caltuvo la crecedera del sector rural, que yá marcó un récord nel primer cuatrimestre del añu. En concretu, la ocupación nesta modalidá d’agospiamientos xubió un 12,83% y algamó les 58.454 pernoctaciones. D’esta miente, el turismu rural consolídase como uno de les pilastres de crecedera del modelu del Principáu.
L’aumentu de viaxeros de la mesma comunidá, d’un 8,71%, contribuyó a estes positives resultancies, impulsáu pol bon funcionamientu de los bonos de descuentu del Gobiernu del Principáu.
Los datos de mayu evidencian qu’Asturies caltien una mayor estabilidá nes cifres de visitantes y refuerza la so condición de destín de referencia nel norte del país.
El pasáu mes tamién refundió resultaos bien positivos respectu al mercáu internacional, qu’afita’l so enclín a l’alza, con un 5,51% más de turistes y un 5,68% más d’estancies. Tocantes a los visitantes nacionales, aumentaron los procedentes de Galicia y Euskadi y, de manera notable, los que lleguen dende Andalucía, gracies al efeuto de les conexones aérees.
Al respective de los albergues, la xubida foi del 13,24%, con 14.961 pernoctaciones, impulsaes en gran midida pola actividá escolar y xuvenil mesma del branu.
En términos de rentabilidá, el indicadores reflexen una evolución favorable, col aumentu de los precios y de los ingresos medios per habitación, tantu nel ámbitu hoteleru como nel rural. Estes cifres fortalecen el sector y ameyoren la competitividá d’Asturies como destín.
