El Muséu de la Minería y la Industria d’Asturies saca la so herencia a la cai.
‘Ciudaes pa Trabayar’ ye la nueva apuesta del Muséu de la Minería y la Industria d’Asturies dientro de les Xornaes Europees de Patrimoniu.
Más allá de ver l’arquitectura local, l’oxetivu d’estes rutes ye reflexonar sobre los procesos de reconversión minera y industrial vivíos dende la década de los 80 y la capacidá d’adaptación del territoriu.
Con esti proyectu, busquen esparder el so llabor más allá de les sos sales d’esposiciones, apostando por una actividá del muséu más participativa y comprometida cola sociedá.
Dempués d’esta xornada inaugural, la iniciativa treslladaráse a Mieres del Camín el 3 d’ochobre viniente.
