https://paths2space.org / Actualidá/ Actualidá 2 / Del 5 al 7 d’agostu n’Uviéu el congresu internacional The Many Pathways to Space (Los diversos caminos al espaciu), un foru concebíu para conectar la investigación, la industria y les capacidaes tecnolóxiques de los territorios colos grandes retos de la esploración espacial.
- Participación: barganal de 70 especialistes; más de 60 participantes inscritos/ponentes.
- Alcance internacional: diez países y cuatro grandes árees xeográfiques: Europa, Norteamérica, Sudamérica y Asia.
- Instituciones: más de 30 universidaes, centros d’investigación, empreses, startups y axencias espaciales.
- Perfil: aproximadamente 50% profesoráu e investigación; 30-35% alumnáu; 15-20% industria, empresas y startups.
La cita va convertir Asturies en puntu d’alcuentru d’una comunidá científica ya industrial d’altu nivel: va axuntar a barganal de 70 especialistes procedentes de diez países (España, Luxemburgu, Estaos Xuníos, Italia, Reinu Uníu, Xapón, Alemaña, Grecia, Turquía y Perú) y de más de trenta universidaes, centros d’investigación, empreses, firmes emerxentes (startups) y axencies espaciales.
Más de la metá de los participantes va llegar dende fora de la comunidá, lo que refuerza la proyección internacional del alcuentru y la so capacidá para xenerar redes de collaboración.
Ente los participantes figuren referentes venceyaos a instituciones como la NASA, l’Axencia Espacial Europea (ESA), el CSIC, el German Aerospace Center (DLR), Universidá de Tokyo, Universidá d’Arizona, Universidá Central de Florida o les universidaes de Luxemburgu y Edimburgo.
Una cita que va axuntar mientres trés díes n’Uviéu a investigadores, tecnólogos, estudiantes, empreses y responsables institucionales para aldericar sobro los grandes desafíos científicos, tecnolóxicos y económicos venceyaos al desenvolvimientu de la nueva yera d’esploración planetaria.
