Güei celebramos a los anfibios, criatures que s’afixeron a vivir tantu en tierra como na agua. 🌱🌊 Tresfieren nutrientes de medios acuáticos a terrestres y controlen les poblaciones d’insectos que podríen convertise en plaga. 🦟💧🌱 🐸🐛🦎🌊🌿🌺 El 41% de los anfibios 🐸 atópase en peligru d’estinción por: 🦠 Les enfermedaes emerxentes, 🌡️ El cambéu climáticu, 🏞️ La perda d’hábitat. El 25 d’abril ye’l Día Internacional para’l Caltenimientu de los Anfibios, establecíu en 2009 para protexer a xaronques, sapos y sacaveres d’amenaces como la perda d’hábitat y el cambéu climáticu.
El Día Internacional para’l Caltenimientu de los Anfibios celebra l’últimu sábadu d’abril para concenciar sobro la importancia ecolóxica de los anfibios y promover la so protección énte les amenaces qu’enfrenten. Esta efeméride foi establecida en 2009 pola Asociación Mundial de Zoolóxicos y Acuarios (WAZA).
El so propósitu ye xenerar conciencia sobro la situación crítica de los anfibios a nivel mundial y fomentar acciones de caltenimientu. Los anfibios, como xaronques, sapos y sacaveres, son animales vertebraos ectotermos que xueguen un papel fundamental nos ecosistemes: Control d’insectos: ayuden a regular poblaciones de plagues. Alimentu pa otres especies: constitúin una fonte importante p’aves, reptiles y mamíferos.
- Indicadores ambientales: la so piel permeable failos sensibles a contaminantes y cambeos ambientales, sirviendo como bioindicadores del estáu de los ecosistemes.
Son animales que viven tantu na agua como na tierra y presenten un ciclu vital qu’inclúi metamorfosis, pasando de bárabos acuáticos a adultos terrestres.
Anguaño, aprosimao la metá de les especies d’anfibios tán clasificaes como amenaciaes. Les razones principales inclúin: Perda d’hábitat por deforestación, agricultura intensiva y urbanización. Contaminación d’agua y suelu, usu de pesticides y químicos. Cambéu climáticu, qu’alteria los ciclos reproductivos y l’hábitat húmedu necesariu pa la reproducción de les especies. Enfermedaes infeicioses como la quitridiomicosis qu’abrasó poblaciones alredor del mundu. Especies invasores, qu’afecten l’equilibriu ecolóxicu de los hábitats nativos d’anfibios.
Les xaronques y sapos son muncho más qu’animales simpáticos; son componentes esenciales de los ecosistemes saludables. La so desapaición, que lamentablemente ta asocediendo a un ritmu alarmante a nivel global por cuenta de la perda d’hábitat, la contaminación, el cambéu climáticu y enfermedaes, tendría graves consecuencies para l’equilibriu natural y para nós mesmos. Por eso, el so caltenimientu ye de vital importancia. Dende 2009, Save The Frogs Day inspiró más de 2,000 eventos en más de 60 países. Ye un eventu reconocíu oficialmente, con amplios recursos educativos, oportunidaes de financiamiento y una comunidá global comprometida cola protección de los anfibios.
Sacavera
