La cooperativa Kikiricoop de Cabranes, estremada nos Premios Alimentos d’España 2026. La entidá asturiana destaca por cuntar con una producción «bien diversificada» de productos como crema d’ablanes, popularizada sol nome de ‘Asturcilla’, comíes preparaes ecolóxiques y tresformaos de cogordes o arándanos. Nortes.me / La Voz
La cooperativa Kikiricoop de Cabranes foi estremada nos Premios Alimentos d’España 2026 na categoría de producción ecolóxica.
De la cooperativa destácase la so producción «bien diversificada» de productos como crema d’ablanes, popularizada sol nome de ‘Asturcilla’, comíes preparaes ecolóxiques y tresformaos de cogordes o arándanos, ente otros, ellaboraos con materies primes locales, como les ablanes y la lleche.
El Ministeriu d’Agricultura, Pesca y Alimentación (MAPA) informó de que concede’l premiu a la producción ecolóxica recaló en Kikiricoop, de Cabranes (Asturies), una cooperativa que destaca por una producción “bien diversificada” de comida ecolóxica, tresformaos de cogordes o arándanos y la crema Asturcilla, unu de los sos productos más conocíos.
Al pie de l’asturiana, Bodegues Protos, Galletes Gullón, Interovic, Opagac y Provacuno figuren ente los galardonaos colos Premios Alimentos d’España 2026, qu’otorga’l Ministeriu d’Agricultura, Pesca y Alimentación, según figura na orde ministerial publicada esti llunes nel Boletín Oficial del Estáu (BOE). Estos galardones reconocen la excelencia, la innovación y el compromisu d’empreses, profesionales, entidaes y colectivos que contribúin al desenvolvimientu y prestíu del sector agroalimentario español.
