El calor obliga a les bodegues a empecipiar la collecha con antelación.
L’intensu calor d’esti branu tamién se dexa notar nel vinu. Sábenlo bien nel suroccidente, onde les bodegues de la DOP Vinu de Cangas vense obligaes a empecipiar la collecha con más d’una selmana d’antelación.
Anque güei l’agua da una pequeña tregua, el sol y les altes temperatures protagonizaron el branu nel suroccidente. Calor qu’aceleró la maduración de la uva obligando a bodegues a adelantar l’empiezu de la collecha.
A puntu d’algamar los 13 graos, temperatura buscada p’arrancar los recimos, la uva avérase al tamañu y sabor afayadizos pa la so recoyida.
Mentanto, estos díes toca acabar d’arrincar les fueyes sobrantes pa que’l sol remate’l so trabayu nos frutos.
Con too, les mires pa esta campaña son bien bones. Equí esperen collechar unos 35.000 quilos d’uva blanca y tinta. Cantidá que va obligar a un mes d’intensu trabayu.
Agora toca esperar si esti calurosu branu va dexar, polo menos, igualar los 250.000 quilos de la collecha del 2025.
