L’agrupación presenta’l so discu’l vienres nel Festival Folk Ayer.
La Banda de Gaites El Gumial, que fizo baillar a Meryl Streep al son de la gaita nos premios Príncipe, cumple 14 años d’historia cola publicación del so primer trabayu discográficu, ‘Aire na Rampla’.
Un discu que cuntará con collaboraciones instrumentales y tamién vocales. Presentaráse’l vienres nel Festival Folk Ayer que s’adelanta d’ochobre a xunu.
Nun sedrá la única presentación de ‘Aire na Rampla’. La banda representará a Asturies per segunda vegada nel Festival Intercélticu de Lorient, que se celebrará la primer selmana d’agostu.
