Publicado en Deportes

Iyana Martín, en casa pa liderar a España de baloncestu

Iyana Martín, en casa pa liderar a España de baloncestu nuna nueche histórica n’Uviéu. La nueva base encara un emocionante alcuentru énte la República Checa, marcáu pol sofitu de la so afición y numberoses ausencies. Semeyes / LNE

El baloncestu asturiano espera con emoción una cita histórica, güei a les 20:30 hores, na que va ver a la selección española femenina de baloncestu liderada por una uvieina, Iyana Martín, que va xugar per primer vegada nel remozado Palaciu de los Deportes d’Uviéu, delantre de la so xente, solo un par de meses dempués de dexar a tol mundu esteláu nel Mundial d’Alemaña, nel que llograron la medaya de bronce y nel que l’asturiana foi incluyida nel meyor quintetu del tornéu.

“Xúntense dos coses que pa mi son bien importantes, que son la selección española y la mio casa, la mio xente, pero tengo que dir con tranquilidá, a sacar lo positivo de tar equí, a disfrutar y, poques gracies, a ganar, por supuestu”, dicía ayeri la xugadora uvieín xusto enantes d’entrenase per primer vegada nel apocayá reformáu Palaciu de los Deportes: “Nun lu viera inda per dientro en persona, ta xenial montáu, tamos toes bien contentes y les compañeres dicíenme que mola, que se sorprendieron enforma”.

A Iyana Martín tamién-y gustó pasar #se el domingu pol polideportivu de Pumarín, polideportivu nel que xugó enantes de fichar pol Segle XXI: “Son alcordances de la mio infancia, que son preciosos, pasé momentos con xente a la qu’a día de güei quiero enforma nesti pabellón”. Munches emociones que va tener que saber controlar nun partíu, el que-yos enfrenta a la República Checa, clasificatorio pal Eurobasket del 2027: “Ye un partíu como cualquier otru, lo especial que tien ye que voi tener a la xente que más quiero cerca, pero nun dexa de ser un partíu de baloncestu, cola selección, un partíu nel que tenemos que tar series, atopar la nuestra identidá dende la defensa, dende correr, dende lo que somos nós”.

Autor:

Maestra de Llingua Asturiana Colexu Carmen Ruiz-Tilve - Uviéu