Publicado en Feries

Feria I. de Coleccionismu d’Asturies, en Mieres

Ficast va celebrase ente’l 2 y el 4 d’ochobre na cortil de Santullano, va cuntar con delles esposiciones y animación de los universos Star Wars y Harry Potter. LNE

La Feria Internacional del Coleicionismu d’Asturies (Ficast), que se celebra en Mieres, cumple 15 ediciones, y va facer siendo la mayor de la so hestoria. Ta prevista la participación de 115 puestos de vienta, a los que va haber qu’añedir esposiciones, estands d’asociaciones y puestos de collaboradores. La feria va celebrase ente’l vienres 2 y el domingu 4 d’ochobre, na cortil de Santullano. La entrada va costar 3 euros.

Ficast tien bien ganáu’l nome de feria internacional. Tal que esplicaron dende la organización (Asociación Cultual d’Ociu y Entretenimientu, Ocen), nesta edición va haber estands llegaos dende Francia, Portugal, Reinu Uníu, Italia y Andorra. Amás de puestos de vienta, nos que va poder adquirise prácticamente de too, dende muebles a videoxuegos, pasando por tou tipu d’artículos de colección, la feria va cuntar con esposiciones y distintes actividaes complementaries.

Ente les esposiciones, habrá una gran maqueta ferroviaria del coleicionista Laurentino Real. Tamién va haber un gran diorama de Lego sobro’l Desembarco de Normandía, día clave na II Guerra Mundial, va haber otra amuesa sobro «L’increíble mundu de Playmobil», una cortil sobre «Super market friki talentu artesanu» o una zona de xuegos de mesa.

Amás, Ficast va cuntar cola animación de colectivos como «North Fantasy» (Harry Potter, Xuegu de Tronos) o l’Asociación «Orde 66» (Star Wars). Va Haber amás presentaciones (con autores como Nuria Pariente, Sandra Gabriel, Johny Vega, Francisco Xuráu o Beatriz Alonso) y un espaciu solidariu. En pasaes ediciones la cortil recibió a más de 5.000 persones.

Autor:

Maestra de Llingua Asturiana Colexu Carmen Ruiz-Tilve - Uviéu