L’osu pardu déxase ver cada vegada primero cerca de los pueblos d’El Cordal Cantábricu. Una presencia que tamién tien que ver cola medría de la población osera asegura Manuel Díaz, biólogu na Fundación Osu d’Asturies.
El branu concentra bona parte d’estos alcuentros. Un estudiu del CSIC analizó 73 visites y nel 86% de los casos había un oxetivu: alcontrar comida.
La fruta apaez en más de la metá de los casos estudiaos. Y los protagonistes son, les más de les veces, osos mozos, que puen movese en busca de nuevos recursos.
L’estudiu tamién dibuxa’l perfil d’estos pueblos: tán más cerca de la viesca, de zones de reproducción y presenten un relieve más difícil, que dexa al osu abellugase.
Pa evitar les visites, los espertos planteguen actuar enantes de que llegue l’osu.
Amenorgar l’accesu a la fruta y otros alimentos sedría, según l’estudiu, más eficaz a llargu plazu que llendase a espantalos cuando yá llegaron al pueblu.
