Los delitos d’odiu crecen n’Asturies percima de la media española.
El Principáu rexistró 71 denuncies en 2025. Crecen los delitos d’odiu y n’Asturies fáenlo percima de la media española. La tasa nel Principáu ye de siete por cada 100.000 habitantes, la quinta más alta ente les comunidaes autónomes, frente a los cuasi cinco delitos por cada 100.000 habitantes que se rexistraron de promediu nel país. En 2025 denunciáronse n’Asturies 71 casos, según datos del Ministeriu del Interior. D’eses 71 infracciones penales, cuasi la metá fueron ataques racistes, cerca del 20% por motivos d’orientación sexual y el 15% por ideoloxía.
