La noticia de la llegada del primer bocarte a la rula xixonesa corrió como la pólvora ente los avezaos compradores d’esta especie aseguren Conchita Miranda, Gema Banciella; y Enol Fernández, de Pescados Semar.
Los 35.000 quilos rulaos tuvieron como efectu inmediatu una baxada del preciu. Nes pescaderíes tán ente los 12,95 y los 8,90 euros el quilo apunten María Rosa Pérez y Alán Espósito, de Pescados Llastres.
La llegada de bocarte d’otros puertos caltuviera’l preciu estable, pero a midida que lleguen les grandes bocartaes al cai d’El Rendiello va siguir baxando. El primeru en ser descargáu en Xixón ye un productu de gran calidá destaca Pedro Fernández, de Pescados Los Playos.
El bocarte sigue siendo una de les opciones favorites nes cocines xixoneses.
