Supernova y Nebulosa del Cangrejo/cámbaru El 5 de xunetu de 1054, astrónomos chinos, xaponeses y árabes rexistraron l’apaición d’una “estrella convidada” nel cielu, visible inclusive a plena lluz del día mientres selmanes. Trátase de la esplosión d’una supernova na constelación de Tauro, que’l so remanente güei conocemos como la Nebulosa del Cámbaru.
Esti fenómenu foi unu de los más brillosos enxamás reparaos y dexó una buelga en cróniques de distintes cultures. Na actualidá, la Nebulosa constitúi un llaboratoriu natural para estudiar la física de les estrelles y los procesos d’enerxía cósmica, siendo clave para entender la dinámica de los púlsares y l’evolución estelar. El so rexistru históricu demuestra la capacidá de les civilizaciones antigües para reparar y documentar fenómenos astronómicos de gran impactu.
