🔹Nel horru de Ferreira, en Santalla d’Ozcos, hai un detallín qu’igual pasa desapercibíu… 🔹Hai dellos tetrasqueles tallaos na madera de les colondres en delles cares del horru. Y pensar la d’iviernos, borrina y hestories que veríen eses talles dende esi rincón…
Los Ozcos tienen esa manera de faete baxar el ritmu ensin date cuenta. Los caminos, los horros, el soníu de l’agua abargana… tou paez guardar daqué.
Y atopar símbolos asina, inda vivos na madera, fai que’l llugar siéntase entá más especial.
Nun voi a desmerecer los horros del restu d’Asturies, pero’l fechu de qu’estos del occidente más occidental tengan los tellaos de llábana de cayuela y esos peyogos abombadinos…a mi ye que me pirran ❤️
Por eso dacuando da tanta pena ver horros cayer o quedase abandonaos. Porque nun son solo construcciones guapes: son memoria, trabayu y parte de la forma de vivir que tenemos n’Asturies.
Asina que, cuando atopes un horru cuidáu y en bones condiciones, bien merez un tributu de la mayor forma que sé facelo.
