Compañeras Pandereta y Anabel Santiago /Ayeri, nel FETUMI (Pozo Sotón) presentaren el videoclip del tema Ochobre del 34. Musicasturiana.com /
Güei fai 92 años que la clase trabayadora asturiana alzóse escontra la inxusticia social y entamó una revolución pa intentar crear un orde políticu, económicu y social nuevu 🧨 Más de nueve décades dempués, Asturies sigue faciendo alcordanza de la última revolución obrera europea dende dellos ámbitos; tamién dende la música asturiana.
✊🏽 Asina ye como’l pasáu vienres 3 d’ochobre el Pozu Sotón acoyó l’estrenu de ‘Ochobre del 34’, un curtiumetraxe musical realizáu por @312.films que pon imáxenes al primer cantar que publica’l sestetu de música tradicional @companeras_pandereteras
La obra audiovisual, dirixida por Alejandro Viña de 312 Films, fai a lo llargo de cuasi siete minutos una recreación histórica de los fechos revolucionarios asturianos. Compañeras ponen el son coles sos voces y percusiones pa interpretar un cantar tradicional que narra dalgunos de los socesos de la revolución y que forma parte del archivu recoyíu por Fernando M. de la Puente Hevia.
El videoclip estrenóse en FETUMI, la Feria de Turismo Minero e Industrial nun actu nel que participaron Compañeras acompañaes por Anabel Santiago. También andecharon na creación de la obra Andy Da Silva, productor musical del cantar y el grupu de recreación histórica Frente Nalón, ente otros. La pieza puede vese en YouTube dendi ayeri y yá algamó cuasi 2.000 visualizaciones en menos de 24 hores.
