Ayande Stars va celebrar el so séptimu eventu del 21 al 23 d’agostu. / https://allandestars.com / Entraes
La séptima edición del programa de divulgación científica ‘Ayande Stars’ va cellebrase del 21 al 23 d’agostu con actividaes en diversos escenarios del conceyu d’Ayande. Ente les principales localizaciones escoyíes pa les xornaes atopen la Central Hidroeléctrica de Salime, la ilesia d’Is, los horros y paneres de Celón y el Castru de San Chuis.
Les inscripciones p’asistir a les actividaes abrieron esti vienres al traviés de la páxina web oficial de la organización. El programa d’anguaño inclúi seis actividaes nueves diseñaes puramente pa la presente edición, que’l so oxetivu ye conectar el cielu y la tierra por aciu l’astronomía y la ciencia. Los alcuentros van cuntar cola participación d’especialistes en cañes como l’astrofísica, la neurociencia, la química, la hestoria y el patrimoniu.
Como novedá, el programa del sábadu inclúi pela mañana una visita empuesta gratuita a les instalaciones de la Central Hidroeléctrica de Salime, en collaboración cola empresa xestora Saltos del Navia, empobinada a afayar los elementos venceyaos a l’astronomía en dicha infraestructura. Coles mesmes, l’axenda del sábadu contempla l’actividá ‘El prisma d’Is: de la física a los retablos’, que se va llevar a cabu pela tarde n’Is; y xuna observación nocherniega sol títulu ‘Astronomía cultural nel cielu d’Ayande’ en La Verbenosa.
Yá’l domingu, va celebrase l’alcuentru de clausura ‘Un universu de música: un viaxe ente estrelles, neurones ya intelixencia artificial’ en La Puela Ayande.
