Publicado en Sin categoría

La nao Santa María vuelve a Avilés del 2 al 12 d’ochobre 

La nao Santa María vuelve a Avilés del 2 al 12 d’ochobre. El retruque de la embarcación cola que Colón llegó a América va poder visitase nel muelle del Niemeyer. El Comercio/ Mi Oviedo /

La Nao Santa María va volver a Avilés el próximu mes y va poder visitase mientres diez díes, del 2 al 12 d’ochobre. Va atracar nel muelle del Niemeyer mientres diez díes nel que va ser la so primer parada n’España dempués d’una xira europea.

Los visitantes van poder afayar cómo yera la vida a bordu nel barcu col que Cristóbal Colón llegó al continente americanu. Con trés cubiertes accesibles al públicu, la Nao Santa María «conviértese nun muséu flotante que tresporta a los sos visitantes a la dómina de los grandes navegantes».

Les visites van realizar mientres los díes 2 al 12 d’ochobre n’horariu de diez de la mañana a ocho de la tarde de manera ininterrumpida. Lasa entraes van tener un preciu de diez euros para los adultos y cinco para les noiños, con descuentos para families, colexos y asociaciones. El día 1, amás, va haber descuentos para vientes online antemanaes.

La escala asturiana va tener, amás, un significáu especial para la tripulación. Avilés va ser el primer puertu español que visite la Nao Santa María dempués de completar una estensa xira europea que la llevó a percorrer más de 30 puertos del Reinu Uníu ya Irlanda.

Un retruque construyíu n’Huelva en 2018
Nun ye una embarcación orixinal del sieglu XV, sinón una reproducción a tamañu real construyida pola Fundación Nao Victoria nos estelleros de Punta Avesida, n’Huelva. Foi botada’l 16 de marzu de 2018, dempués de catorce meses de trabayos nos que participaron barganal d’un centenar de profesionales, ente carpinteros de ribera, historiadores, inxenieros y artesanos especializaos n’oficios marítimos.

La resultancia ye un navío d’unes 200 tonelaes, 28,30 metros d’eslora y casi ocho metros de manga. La so construcción combina una estructura de fibra de vidriu con un revestimiento de madera, una técnica que dexa reproducir l’apariencia histórica de la embarcación y afaela a les esixencies del saléu actual.

Dende la so botadura, el retruque percorrió miles de milles náutiques y participó en distintes xires internacionales, con escales en puertos europeos y americanos. La so actividá combina’l saléu cola divulgación del patrimoniu marítimu, convirtiendo cada atraque nuna oportunidá p’averar al públicu la hestoria de les grandes espediciones oceániques.

Un muséu flotante pa conocer la vida de los marineros
Mientres la so estancia n’Avilés, los visitantes van poder percorrer trés cubiertes de la embarcación y afayar los sos apareyos, maniobres y espacios interiores. La visita va dexar conocer cómo s’entamaba la vida cotidiana de los marineros, les dificultaes de les llargues travesíes y les característiques de los barcos que cruciaben l’Atlánticu fai más de quinientos años.

La embarcación reproduz la nave capitana de la espedición que partió en 1492 al pie de la Pinta y la Neña. Aquel viaxe remató cola llegada de los europeos al continente americanu y empecipió un periodu de fondos tresformamientos históricos, culturales y comerciales.

Entraes y horarios: La entrada xeneral p’adultos va tener un preciu de 10 euros. Sicasí, la organización habilitó xuna promoción especial pa quien adquieran les sos localidaes anticipadamente al traviés de la páxina web de vienta d’entraes.

El descuentu va tar disponible puramente por aciu compra online hasta’l 1 d’ochobre.

La embarcación va poder visitase del 2 al 12 d’ochobre, de 10.00 a 20.00 hores, xuntu al Centru Niemeyer, ufiertando a los avilesinos una oportunidá de conocer de barganal uno de los barcos más reconocibles de la hestoria del saléu.

Autor:

Maestra de Llingua Asturiana Colexu Carmen Ruiz-Tilve - Uviéu