Publicado en Aniversariu, Cine

1955: Muerre James Dean, actor

El 30 de setiembre de 1955 morrió James Byron Dean nun accidente automovilísticu asocedíu en California. Dean tenía 24 años. Conducía un Porsche 550 Spyder escontra una competencia automovilística cuando topetó frontalmente con un Ford Tudor que circulaba en sentíu contrariu. Ye consideráu un iconu cultural, un símbolu estadounidense por excelencia, y representa la desilusión adolescente y el distanciamientu social

El so acompañante, el mecánicu Rolf Wütherich, sobrevivió con feríes graves. L’actor naciera en Marion, Indiana, el 8 de febreru de 1931. Dempués de treslladase a Nueva York y estudiar actuación, llogró papeles en televisión, teatru y cine. La so carrera cinematográfica foi curtia, pero quedó concentrada en trés películes estrenaes ente 1955 y 1956.

En East of Eden, dirixida por Elia Kazan, interpretó a Cal Trask, un mozu engarráu col so padre y trevesáu por conflictos familiares. En Rebel Without a Cause encarnó a Jim Stark, un adolescente en conflictu colos adultos y colos sos pares. El so tercer gran filme foi Giant estrenáu dempués de la so muerte.

Dean interpretó a Jett Rink, un trabayador que se convierte en millonariu petroleru y traviesa delles décades de cambeos sociales en Texas. L’accidente atayó una trayectoria qu’inda nun algamara’l so maduror. La prensa, los estudios cinematográficos y la circulación de fotografíes contribuyeron a convertilo nuna figura acomuñada cola mocedá estadounidense de la década de 1950.

Autor:

Maestra de Llingua Asturiana Colexu Carmen Ruiz-Tilve - Uviéu