- Autor FEDERICO PÉREZ / Testu LEOPOLDO ALAS “CLARÍN”
Branu implacable.
Envuelta nesti calor estranxero, la nuesa vacada sigue creciendo.
La vaca como símbolu, como tótem d’una cultura qu’acaldía paez más alloñada.
Asturies ta camudando a pasos axigantaos y, al ritmu que vamos, si naide pon remediu, los nuesos raigaños van acabar esleiéndose ente la xentrificación y los apartamentos turísticos.
Lo que mientres sieglos foi familia, sustentu y forma de vida cuerre’l riesgu de convertise nun simple iconu pal visitante.
Y la vaca, qu’alimentó xeneraciones y modeló el paisaxe que güei almiramos, va quedar amenorgada a una enllordia sobre’l prau, como la figura d’una mazana nel logotipu d’una marca: un símbolu vacíu, desaposiáu de la vida y de la hestoria qu’un día representó.
Como escribió Leopoldo Alas «Clarín» en Adiós, Cordera, la vaca Cordera encarna un mundu rural condergáu a sumir so la meyora de la modernidá y el progresu industrial, hasta acabar convertida en carne. Güei basta con sustituyir esi progresu industrial pola industria turística p’atopar un paralelismu esmolecedor.
El riesgu yá nun ye solo la desapaición d’una manera de vida, sinón el so tresformamientu nun productu de consumu: un paisaxe pa fotografiar, una tradición pa esibir y una vaca convertida n’emblema decorativu d’una Asturies que, adulces, cuerre’l peligru d’escaecer aquello que-y dio forma.
- Federico Pérez Freire @federicoilustracion ye un ilustrador y diseñador gráficu venceyáu al mundu editorial.
- Leopoldo Alas «Clarín» (1852–1901) foi un escritor, críticu lliterariu y catedráticu español, consideráu una de les grandes figures del realismu del sieglu XIX.
@theasturianer
#coverilustration
#asturiasilustracion
#simbolosasturias
#culturaasturiana
