Hamadi Mdidech, el guardián del reló de la torre de Llastres. Un xestu silenciosu que caltien vivu unu de los grandes símbolos del pueblu marineru.
Cada día Hamadi Mdidech xube los pasos de la torre del reló de Llastres pa facer un xestu que malapenes cambió en sieglos, dar cuerda al mecanismu manual que marca les hores sobre’l puertu y les cais del pueblu llastrín. Failo de forma desinteresada, por ciñu a los vecinos y pa evitar que’l reló quede paráu.
El sistema funciona por aciu d’engranaxes, peses y un péndulu. Al da-y cuerda, les peses vuelven xubir y adulces baxen moviendo tol mecanismu interior. Un sistema tradicional qu’inda sigue marcando les campanaes de la villa marinera.
La torre del reló ye unu de los emblemes de Llastres. El so orixe remóntase sieglos atrás como puntu de vixilancia del cai y foi reformada nel sieglu XVIII, cuando s’instaló’l reló mecánicu.
Dende entós acompañó la vida diaria del pueblu, les xornaes de pesca y tamién el pasu del tiempu pa delles xeneraciones de vecinos.
