Publicado en Arqueoloxía

Restos arqueolóxicos del Mesolíticu n’Asturies.

🏺 Los restos humanos atopaos na cueva del Soḥornu, en Llanes, aporta datos nuevos sobre’l Mesolíticu n’Asturies. La intervención d’urxencia, autorizada pola Conseyería de Cultura, Política Llingüística y Deporte, permitió recuperar restos de polo menos dos individuos y documentar ocupaciones humanes d’ente 12.000 y 4.300 años d’antigüedá. https://actualidad.asturias.es/-/hallazgollanes0930
El director xeneral de Patrimoniu Cultural, Pablo León, participó esta mañana na presentación d’un descubrimientu qu’aporta datos nuevos sobre cómo vivíen estes comunidaes. Ún de los análisis revela qu’alredor del 55 % de les proteínes consumíes por ún de los individuos procedíen del mar. Una ventana nueva pa conocer el Mesolíticu asturianu.

El descubrimientu empezó con unu quexal humanu. Los espeleólogos Pablo Solares y Clara Zazo alcontrar en 2024 mientres una esploración del cuévanu, al pie de un conchero asturiense, y comunicaron l’afayu a la conseyería. Patrimoniu Cultural autorizó, entós, una intervención arqueolóxica d’urxencia, dirixida por Pablo Arias Cabal y Alberto Martínez Villa, que concluyó’l branu de 2025 y dexó estudiar los restos nel so contestu y afayar que la hestoria de Guoḥornu yera muncho más amplia.

Los trabayos documentaron ocupaciones humanes d’ente 12.000 y 4.300 años d’antigüedá y recuperaron nuevos restos ósevos pertenecientes, siquier, a dos varones adultos. El so estudiu confirmó que correspuenden al periodu asturiense, en redol al 6000 antes de la nuesa era. Unu d’ellos tendría unos 45 años nel momentu de la so muerte.

La investigación dexa inclusive averase a cómo s’alimentaben estes comunidaes. Los analises indiquen qu’alredor del 55% de les proteínes consumíes por unu de los individuos procedía del mar, unu de los valores más elevaos llograos nel sur d’Europa. Una relación cola mariña que tamién apaez escrita n’el mesmu xacimientu, onde s’atoparon abondosos restos de pexe, llámpares, bígaros, moxones, percebes y oricios.

 

Autor:

Maestra de Llingua Asturiana Colexu Carmen Ruiz-Tilve - Uviéu