LNE / Los banzaos del grifu» d’Asturies, atarraquitao: tán al 96,4% de la so capacidá. Les agües de les últimes selmanes rellenen el complexu Tañes-Ruseco, qu’apurre’l 98% de l’agua al consorciu Cadasa.
El grifu d’Asturies ta llenu, casi atarraquitao, colo que prácticamente s’asegura’l suministru mientres el branu. Coles abondoses agües –inclusive nevaes– de les últimes selmanes, el complexu d’embalse Tañes-Ruseco, nos conceyos de Casu y Sobrescobiu, del que bebe tola zona central d’Asturies, atópase al 96,4 per cientu de la so capacidá, percima del nivel de pasáu añu (89) y de la media de la última década, asitiada nel 90 per cientu. El tramu mediu de la primavera, el mes de mayu, sueli ser la dómina del añu na que más agua guarden los banzaos. Alfilorios (Morcín), pela so parte, qu’abastez a Uviéu, tamién cunta con un altu nivel d’agua (86%).
