Una investigación realizada n’Italia con más de 5.200 estudiantes suxure qu’el so usu ceo podría tar rellacionáu con un usu más intensivu del móvil y distracciones qu’afecten la concentración. Un estudiu demuestra que los estudiantes que tienen redes sociales dende la niñez consiguen peores notes y menor rendimientu académicu. LNE
Nel complexu alderique sobro cómo, cuánto y pa qué los neños y adolescentes tendríen d’usar el móvil, unu de los puntos más aldericaos ye cómo esti vezu puede impactar na so actividá académica y, finalmente, nel so procesu d’aprendizaxe. La revista científica ‘Nature Human Behaviour’ publicó’l llunes unu de los estudios más sólidos hasta la fecha sobro esta cuestión y, según espliquen les sos impulsores, apunten a una conclusión que tendría de ser tenida en cuenta pa futuros alderiques sobro la tema.
¿El motivu? N’analizando los datos de más de 5.200 estudiantes italianos d’ente 11 y 15 años, los científicos repararon que quien abrieron xuna cuenta personal en redes sociales al entamu de la so adolescencia llograron peores resultancies n’exames de llingua y matemátiques que quien retrasaron esi momentu. Los espertos creen qu’esto podría esplicase, siquier en parte, por un usu más intensivu de les redes sociales y poles distracciones qu’estes xeneren sobro l’atención y la concentración de los mozos n’edá escolar.
