Día Européu de Conmemoración de les Víctimes del Totalitarismu. La fecha foi escoyida por una razón concreta. El 23 d’agostu de 1939 roblóse’l Pactu Molotov-Ribbentrop, que’l so protocolu secretu estremó árees d’influencia n’Europa oriental ente l’Alemaña nazi y l’Unión Soviética. Décades dempués, la Unión Europea adoptó’l 23 d’agostu como xornada de memoria de les víctimes de los réximes totalitariu y autoritariu.
Defender la llibertá de relixón y de creencies para toos, perdayuri.
La conmemoración inclúi a quien carecieron persecución, deportación, encarcelamientu, trabayu forzosu, execuciones y xenocidiu baxu distintes dictadures europees del sieglu XX. El día tamién quedó acomuñáu a la preservación de testimonios y documentos sobro les víctimes del nazismu y l’estalinismu. La memoria pública tamién toma los campos de concentración, les deportaciones, los trabayos forzaos y les execuciones cometíes so esos réximes.
Cada 23 d’agostu dende l’añu 2009, celébrase’l Día Européu de Conmemoración de les Víctimes del Estalinismu y el Nazismu, tamién conocíu como Día del Llistón Negru.
Esta fecha tien como oxetivu fundamental enxamás escaecer lo tarrecible que puede aportar a tou réxime totalitariu y rindir homenaxe a les víctimes de los dos réximes más infames del sieglu XX, que fueron el réxime nazi y l’estalinismu.
¿Por que escoyóse esta fecha? La razón de que’l Parlamentu Européu, escoyera’l 23 d’agostu para conmemorar tan nefastos fechos históricos, nun ye una casualidá, una y bones esi día foi la fecha esacta en que se roblara’l Pactu Mólotov-Ribbentrop.
1939: Firma del Pactu Ribbentrop-Molotov
Diez años de non agresión roblaos en Moscú. Joachim von Ribbentrop y Viacheslav Mólotov roblaron un tratáu billateral que garantizaba la neutralidá militar ente l’Alemaña nazi y l’Unión Soviética.
El documentu incluyó un protocolu adicional secretu para delimitar esferes d’influencia y partir territorialmente los estaos de Polonia, Lituania, Letonia, Estonia, Finlandia y parte de Rumania. Ocho díes dempués del alcuerdu, l’exércitu alemán invadió territoriu polacu’l 1 de setiembre, provocando l’entamu formal de la Segunda Guerra Mundial.
