La Selmana de les lletres asturianes en Corvera acueye la undécima edición de Versovera, qu’anguaño edita una antoloxía con 43 poetes.
Versovera, l’alcuentru lliterariu de poesía n’asturianu, nun falta a la so cita con Corvera un añu más. Mientres la primer selmana de mayu, el conceyu celebra la Selmana de les lletres asturianes y tamién Versovera.
Nesta ocasión, trátase de la undécima edición d’esta xornada lliteraria en llingua asturiana. Amás, anguaño, la cita inclúi la presentación d’un llibru, una antoloxía, que repasa a el autores y dalgunos de los sos versos que participaron nesta xornada a lo llargo de la última década. La celebración d’estos primeros once años de vida de Versovera cuntó, como siempres, con un recital que se desenvolvió esti miércoles en La Llechera de Cancienes.
Nesa antoloxía titulada «Versovera», cada autor apurre cuatro poemes. En total, suman 43 poetes participantes en toles ediciones y nomes como’l de Berto García, Aida Escuderu, José Luis Rendueles y Pablo Rodríguez Medina, ente otros.
El programa empezó a les 19.00 hores cola presentación de l’antoloxía que lleva por títulu’l nome d’esti alcuentru de poetes, «Versovera».
De siguío, La Llechera de Cancienes acoyó un recital poéticu de dellos autores y pa rematar tocó-y el vez a la música de la mano de «Vérsica», una formación de folk que tien por oxetu poner música a poemes d’autores n’asturianu p’averar los versos a les persones que nun lleen poesía.
Esto ye, una cita bien lliteraria pa conmemorar la palabra con versos como los que figuraben nel cartelu de la convocatoria: «Versos que canten, pallabres que queden».
