El primer bonitu de la temporada en Xixón rúlase a 60,70 euros el quilo.
De los 53,80 euros del añu pasáu a los 60,70 del actual. 7 euros más se pagaron na rula xixonesa por una primer tina de 113 kg. El restu puyóse a un preciu mediu de 22 euros el tamañu grande y de 10 el pequeñu señala Iker Suárez, patrón del María Digna Dos.
Pescados Basilio mercaba la primera tina. El preciu pagáu, apunten los sos responsables, ye frutu del valir sentimental del productu. Va dir destináu a los sos veceros; hostelería asturiana, sobre manera asegura Basilio Castro, presidente de Pescados y Congelados Basilio.
El bonitu, daqué más de 2.000 kgs., llegó nes bodegues de la embarcación de Bermeo, María Digna Dos.
Ye por tanto un productu de gran calidá destaca Celso Sánchez, xerente de Pescados El Kiku.
Los espertos esperen una bona costera.
