LNE / L’arte y el paisaxe asturiano lleguen a China: seis artistes de la rexón presenten la so obra n’una colectiva na Beijing Dangdai Art Fair. / IG / La esposición ye frutu de la collaboración ente la Conseyería de Cultura del Principáu y l’Institutu Cervantes y en xunu va viaxar a Pequín, onde se va inaugurar el día 24.
El Principáu d’Asturies participa per primer vegada en Beijing Dangdai Art Fair 2026, una de les feries d’arte contemporaneo más influyentes de China. Faelo cola esposición «El monte sabe, l’agua recuerda: narratives sostenibles nel paisaxe», na que dende güei y hasta el día 24 de mayu preséntense obres de los asturianos Soledá Córdoba, Kela Coto, José Ferrero, Ramón Isidoro, Marcos Morilla y Javier Riera.
Cultura y l’Institutu Cervantes impulsen la presencia internacional del arte asturianu con una esposición na esclusiva Beijing Dangdai Art Fair, una de les principales feries d’arte contemporaneu de China. Consulta tola información: actualidad.asturias.es/-/expochina2105ç
Más palantre va viaxar a Pequín, onde se va inaugurar el 24 de xunu na see del Institutu Cervantes, n’una versión ampliada que va incorporar obres d’artistes chinos como Guo Tianyi, Yin Liang y Yu Mengtong.
La comunidá ta presente na feria china gracies a la collaboración ente la Conseyería de Cultura del Principáu y l’Institutu Cervantes, con un estand propiu nel que ta axuntada la obra de los seis artistes y nel que tán representaes disciplines como la fotografía, la instalación, la pintura o les intervenciones llumíniques.
De lo que se trata ye, como espliquen dende la Conseyería, ye de proponer «una reflexón contemporanea sobro’l paisaxe, la memoria, el tresformamientu del territoriu, la sostenibilidá y el legáu industrial» y establecer «un diálogu ente naturaleza ya industria dende una mirada fondamente venceyada a Asturies».
La inaugurada güei ye la continuación d’una esposición anterior, presentada tamién en China a finales del añu 2024. L’arte contemporaneo asturianu viaxó, nos últimos años, a ciudaes como Shanghái y Suzhou, con distintes iniciatives espositives y d’intercambiu cultural.
Cada unu de los ceadores asturianos con obra na esposición recién inaugurada en Beijing na amuesa apurre la so personal visión del paisaxe asturiano.
- Kela Coto (Xixón, 1979) «alza paisaxes ente lo real y lo especulativo, prindando la buelga industrial con serenidá poética»; espunxo nel Centru Niemeyer y foi escoyida en PhotoEspaña 2022. La fotógrafa Soledá Córdoba (Avilés, 1977), premiada internacionalmente, traza «pelegrinaxes espirituales por ruines y naturaleza, infundiendo sanación n’espacios afaraos» al traviés de la so obra.
- José Ferrero (nacíu en Llión en 1959, instalose cola so familia n’Uviéu en 1963) ye un narrador visual» que pasa afigura col so cámara’l pasu d’habitar a lo residual con grises que provoquen silencios emocionales y cavilgadures filosófiques sobro lo efímero».
- Ramón Isidoro (otru lleonés, afincáu n’Asturies, nacíu en1964) ta consideráu un escenógrafu multisensorial», qu’integra na so obra lus, soníu y espaciu, collaboró col cantautor Nachu Vegues y recibió el premiu del Muséu Barjola de Xixón.
- Marcos Morilla (1963) retrató, «con amaneceres y vientos, les muertes fabriles», con una gran tensión llírico; ye autor de series como «Petricor» y «Traces», y, a lo último,
- Javier Riera (Avilés, 1964), con una obra ente’l land art y la fotografía, qu’espunxo nel Muséu Reina Sofía y en festivales de lluz como Vivíi Sydney y Glow Shenzhen.
