Europa camuda les regles de los envases
Un xestu tan avezáu como abrir un sobre de kétchup o echar zucre al café tien los díes contaos na hostelería europea.
Pero’l cambéu nun sedrá darréu. El nuevu reglamentu européu d’envases aplicaráse de forma progresiva asegura Julio Barea, responsable de residuos de Greenpeace.
En 2027, los veceros y veceres podrán usar los sos recipientes ensin pagar un suplementu. Un añu dempués, los establecimientos tendrán qu’ufiertar alternatives reutilizables pa cebera y bébora pa llevar. Y en 2030 llegará la prohibición de dellos envases monodosis de plásticu pa consumir dientro de bares, restauranes, cafeteríes y hoteles señala Cristina Galán, responsable sectorial d’envases de l’Asociación Española d’Industriales de Plásticu (ANAIP).
Tamién desapacerán los pequeños envases de champú, xel o xabón que munchos hoteles ufierten como cortesía. Pero non toles monodosis tarán prohibíes.
L’oxetivu de Bruxeles ye amenorgar los residuos y avanzar pa un modelu basáu na reutilización y la recarga.
