Les pruebes documentales del pasáu y del presente son irrefugables: el nome popular, hestóricu y tradicional d’esta llingua románica que tenemos n’Asturies, ye ASTURIANU. Dempués, a mediaos del sieglu XVIII apaez l’estrañu nome de BABLE, bien minoritariu y recluyíu nes élites cultes esmolecíes pol cultivu de la llingua.
Circula perhí’l bulo de qu’ASTURIANU ye un inventu recién, y que BABLE ye’l nome de tola vida. Ye un bulo basáu na ignorancia, dacuando adobada con evidente intención d’intoxicar.
El profesor XUAN CARLOS BUSTO CORTINA ilústranos nesti llibrín sobro les sos investigaciones, que documentan l’apaición del estrañu nome de BABLE a mediaos del s. XVIII, cuando yá había xuna llarga tradición anterior del nome ASTURIANU, que llega a hasta güei.
